Слава Тебе,Пречистая Матерь Божия.
Слава вам все светлые небесные силы.
Слава Тебе,Господи.

Во имя Отца и Сына и Святого Духа.Аминь

Явился еси днесь вселенней,и свет Твой,Господи,
знаменася на нас,в разуме поющих Тя:
пришел еси и явился еси Свет Неприступный.

Юноши благочестивыя,пещи огненней приобщившияся,
шумящ дух росный невредимы сохрани,и Божия ангела
снизхождение. Темже в пламени орошаеми,благодарственно
воспеваху: препетый отцев Господи и Боже благословен еси.

Опали струею змиевы главы,пещный высокий пламень,
юноши носящь благочестивыя,утишивый неудободержимую
мглу из греха,всю же омывает росою Духа.

Тайну преславную вавилонская показа пещь,источившая росу,
яко струями имяше невещественный огнь восприяти Иордан,
и объяти плотию крещаема Зиждителя: Егоже благословят
людие,и превозносят во вся веки.

Свободна убо тварь познавается,и сынове света
прежде омраченнии,един стенет тьмы предстатель.
Ныне да благословит усердно Виновнаго,
прежде окаянное языков всенаследие.

Величай,душе моя,Честнейшую горних воинств
Деву Пречистую Богородицу.

Величай,душе моя,от Предтечи крещения просяща.

Величай,душе моя,во Иордане пришедшаго креститися.
Величай,душе моя,от Отеческаго гласа свидетельствованна.

Величай,душе моя,Единаго от Троицы преклоншаго выю
и крещение приемша.

Пророче,прииди ко Мне,простри руку,и крести Мя скоро.

Пророче,остави ныне,и крести Мя хотяща:
исполнити бо приидох всяку правду.

Днесь Владыка преклоняет выю под руку Предтечеву.

Днесь Иоанн крещает Владыку во струях Иорданских.

Днесь Владыка водами погребает человеческий грех.

Днесь Владыка свыше свидетельствуется,Сын возлюбленный.

Днесь Владыка прииде освятити естество водное.

Днесь Владыка крещение приемлет,рукою Предтечевою.

От юности Христа возлюбил еси,блаженне,и Тому Единому
работати пламенне вожделев,непрестанною молитвою и трудом
в пустыни подвизался еси,умиленным же сердцем любовь
Христову стяжав,избранник возлюблен Божия Матере явился еси.
Сего ради вопием ти: спасай нас молитвами твоими,
Серафиме,преподобне отче наш.

Днесь,вернии,духовно торжествующе в нарочитем празднице
преподобнаго отца и благочестно радующеся,тому тепле возопиим:
радуйся,Серафиме,блаженне; радуйся,небесный человече
и земный ангеле; радуйся,многих на путь спасения наставивый;
радуйся,Российстей земли утверждение: молися о душах наших.

Мира красоту и яже в нем тленная оставив,преподобне,
в Саровскую обитель вселился еси; и тамо ангельски пожив,
многим путь был еси ко спасению,сего ради и Христос тебе,
Отче Серафиме,прослави,и даром исцелений и чудес обогати.
Темже вопием ти: радуйся,Серафиме,преподобне отче наш.

Приспе всечестный праздник обители Саровския,
память преподобнаго Серафима,емуже ныне сице возопиим:
радуйся,постников светило и утверждение,иноком звездо,
якоже волхвом,показующая путь в небесныя обители,
священником похвало преславная; любве и целомудрия
источниче приснотекущий,светильниче пресветлый
духовнаго разсуждения; радуйся,правило добродетелем великое.

Слава Отцу и Сыну и Святому Духу:

Приидите,иноков собори и постников сословие,
приидите,христоименитых людей множества,песньми
истиннаго постника почтим,вопиюще: радуйся,по стопам
Владыки Христа узким путем управляемый,и притекающим к тебе в бедах и скорбех скорый помощниче,и спасения ходатаю
предивный: радуйся,даром пророчества украшенный,прорицаяй
яко настоящая грядущая: молися,преподобне Серафиме,
о чтущих с верою и любовию святую память твою.

И ныне и присно,и во веки веков,аминь:

Богородице,Ты еси лоза истинная,возрастившая нам
плод живота: Тебе молимся,молися,Владычице,
со святыми апостолы,помиловати души наша.

В память вечную будет праведник,от слуха зла не убоится.

Величай,душе моя,по закону плотию обрезавшагося Господа.

Величай,душе моя,во осмый день обрезание приемлюща.

Днесь Владыка обрезуется плотию яко младенец,исполняя закон.

Днесь Владыка плотию обрезася,Иисус наречеся.

Величай,душе моя,во иерарсех Василия Великаго.

Величай,душе моя,вселенныя пресветлаго светильника.

Величай,душе моя,от Кесарии Василия Великаго.

Величай,душе моя,украсившаго Христову Церковь.

Величай,душе моя,честнейшую небесных воинств,
Деву Пречистую Богородицу.

Яже прежде солнца светильника Бога возсиявшаго,
плотски к нам пришедшаго из боку Девичу,
неизреченно воплотившая,Благословенная Всечистая:
Тя,Богородице,величаем.

Терпит обрезание плотию,из Отца кроме сечения же
и тления,неизреченно рождься яко Слово,и яко Бог от Бога,
в непреложнем пребываяй Божестве: тем по закону,
паче закона бывый,клятвы законныя избавляет вся,
и свышше благоволение дарует. Темже преблагое Его
схождение восхваляюще,поем,и благодарственно прославляем,
Того моляще душам нашим даровати велию милость.

Слава Отцу и Сыну и Святому Духу:

Излияся благодать во устнах твоих,преподобне отче,
и был еси пастырь Христовы Церкве,уча словесныя овцы
веровати в Троицу Единосущную,во едином Божестве.

И ныне и присно,и во веки веков,аминь:

Сходяй Спас к роду человеческому,прият пеленами повитие,
не возгнушася плотскаго обрезания,осмодневен по Матери,
Безначальный по Отцу. Тому вернии возопиим:
Ты еси Бог наш,помилуй нас.

Веселитеся,праведнии,небеса радуйтеся,взыграйте горы,
Христу рождшуся: Дева седит Херувимом подобящися,
носящи в недрех Бога Слова воплощенна,пастырие
рожденному дивятся; волсви Владыце дары приносят;
ангели воспевающе глаголют: Непостижиме,Господи,слава Тебе.

Богородице Дево,рождшая Спаса,упразднила еси
первую клятву Евину: яко Мати была еси благоволения Отча,
носящи в недрех Божие Слово воплощенное. Не терпит тайна
испытания. Верою единою сию вси славим,зовуще с Тобою
и глаголюще: Неизреченне,Господи,слава Тебе.

Слава Отцу и Сыну и Святому Духу:

Егда время еже на землю пришествия Твоего,
первое написание вселенней бысть; тогда восхотел еси
человеков написати имена,верующих Рождеству Твоему,
сего ради таковое повеление от кесаря возгласится;
вечнаго бо Твоего Царствия безначальное Рождеством Твоим
обновися: тем Тебе приносим и мы паче именнаго даннословия,
православнаго богатство богословия,яко Богу и Спасу душ наших.

И ныне и присно,и во веки веков,аминь:

Днесь Христос в Вифлееме раждается от Девы;
днесь Безначальный начинается,и Слово воплощается;
силы небесныя радуются,и земля с человеки веселится;
волсви Владыце дары приносят,пастырие Рожденному дивятся.
Мы же непрестанно вопием: слава в вышних Богу,
и на земли мир,в человецех благоволение.

Молитвами Богородицы,Спасе,спаси нас.

Спаси ны,Сыне Божий,рождейся от Девы,
поющия Ти: Слава Тебе,Боже наш.

Единородный Сыне и Слове Божий,
безсмертен сый,и изволивый спасения нашего ради
воплотитися от Святыя Богородицы и Приснодевы Марии,
непреложно вочеловечивыйся,распныйся же,Христе Боже,
смертию смерть поправый,Един сый Святыя Троицы,
спрославляемый Отцу и Святому Духу,спаси нас.

Слава Отцу и Сыну и Святому Духу,
и ныне и присно,и во веки веков,аминь.

Из чрева прежде денницы родих Тя,клятся Господь
и не раскается: Ты Иерей во век во чину Мелхиседекову.

Елицы во Христа крестистеся,во Христа облекостеся. Аллилуия.

Вся земля да поклонится Тебе,и поет Тебе,
да поет же имени Твоему,Вышний.

Величай,душе моя,Честнейшую
и Славнейшуй горних воинств
Деву Пречистую Богородицу.

Таинство странное вижу и преславное:
небо,вертеп; престол Херувимский,Деву;
ясли,вместилище,в нихже возлеже невместимый
Христос Бог,Егоже воспевающе величаем.

Избавление посла Господь людем Своим.

Слава Отцу и Сыну и Святому Духу,
и ныне и присно,и во веки веков,аминь.

Правило веры и образ кротости,воздержания учителя
яви тя стаду твоему,яже вещей истина. Сего ради
стяжал еси смирением высокая,нищетою богатая:
отче священноначальниче Николае,моли
Христа Бога спастися душам нашим.

Величаем тя,Святителю отче Николае,
и чтим святую память твою,
ты бо молиши за нас Христа Бога нашего.

Благовестих правду в Церкви велицей: истину Твою
и спасение Твое рех. Уста праведнаго поучатся премудрости,
и язык его возглаголет суд. Правда Его пребывает в век века.
Священницы Твои облекутся правдою и преподобнии Твои
возрадуются. Блажени живущие в дому Твоем,
в веки веков восхвалят Тя.

Слава Отцу и Сыну и Святому Духу,
и ныне и присно и во веки веков,аминь.

Слава Тебе,Боже наш.
Слава Тебе,Боже наш.
Слава Тебе,Боже наш.

Честна пред Господем смерть преподобных Его.

Наследниче Божий,сопричастниче Христов,
служителю Господень,святе Николае,
по имени твоему тако и житие твое:
спросия бо седине разум,свидетельствоваше
светлость лица твоего душевное незлобие,
извествоваше кротость слова молчаливое.
Жизнь твоя славна,и успение со святыми:
моли о душах наших.

В Мирех,святе,священнодействитель показался еси,
Христово бо преподобне Евангелие исполнив,положил еси
душу твою о людех твоих,и спасл еси неповинныя от смерти.
Сего ради освятился еси,яко великий таинник Божия благодати.

Воззрев неуклонно на высоту разума,
и узрев неявленно премудрости глубину,
твоими ученьми мир обогатил еси,отче.
О нас присно молися Христу,Святителю Николае.
Человече Божий,и верный угодниче,
и строителю Того таин,и мужу желаний духовных,
столпе одушевленный,и вдохновенный образ:
яко Божественное бо сокровище тя Мирская церковь
чудящися прияла есть,и молитвенника о душах наших.

Слава Отцу и Сыну и Святому Духу:

Вострубим трубою песней,взыграем празднственная,
и ликовствуем радующеся,в молебное торжество
богоноснаго отца. Вернии люди да стекутся,
и иже сонным страшным явлением царя препирающа,
неповинно держимыя три отпустити воеводы,да воспоют.
Пастырие и учителие,Добраго Пастыря подобноревнительна
пастыря сошедшеся восхвалим.
Иже в недузех врага и иже в бедах избавителя,
грешнии заступника,нищим сокровище,и иже в скорбех
утешителя,спутника путешествующии,на мори сущия правителя,
и вси везде тепле предваряюща,великаго Святителя восхваляюще,
сице рцем: пресвятый Николае,предвари и избави ны
от настоящия беды,и спаси стадо твое молитвами твоими.

И ныне и присно,и во веки веков,аминь:

Вострубим трубою песней,приникше бо свыше
Всецарица Мати Дева,благословеньми венчает воспевающие Ю.
Вернии люди да стекутся,и Царице да восплещут в песнех,
Царя рождшей,иже смертью держимыя первее,разрешити
человеколюбно благоволившаго: пастырие и учителие,
Добраго Пастыря Пречистую Матерь сошедшеся восхвалим,
свещник златозарный,светоносный облак,небес пространнейшу,
одушевленный кивот,огнезрачный Владычень престол,
манноприемную златую стамну,затворенную Слова дверь,
всех христиан прибежище,песньми богогласными похваляюще,
сице рцем: палато Слова,сподоби смиренных нас Небеснаго
Царствия: ничтоже бо невозможно ходатайству Твоему.

Возвеселится праведник о Господе,и уповает на Него.

В память вечную будет праведник: от слуха зла не убоится.

Пресвятая Госпоже Богородице,
услыши молитву раб Своих,молящихся Тебе.

Слава Отцу и Сыну и Святому Духу:

Якоже лествицу превысоку,зрим днесь
икону Твою,Дево Всенепорочная,
юже сопротивнии зряще,конечней
слепоте предашася,мы же,к ней
верно взирающе,от бед избавляемся.

И ныне и присно,и во веки веков,аминь:

В рождестве тли не приимши,тления
всех нас,Дево,измени,печали уставляющи
матерним пременением,Богорадованная.

Спаси от бед рабы Твоя,Богородице,
яко вси по Бозе к Тебе прибегаем
яко нерушимей стене и предстательству.

Пресвятая Дево,Мати Господа нашего Иисуса Христа,
Царице небесе и земли! С верою и любовию пречистому
образу Твоему покланяющеся,молим Тя: якоже Отцем нашим
многажды в скорбех и напастех помощь Твою явила еси,
тако и нас грешных сподоби Твоего матерняго покрова
и заступления. Се вси мы,страстьми обуреваеми и грехми
потопляеми,вечныя казни достойны есмы. Но на милость Твою
уповающе,со слезами взываем Ти: о Мати всех скорбящих
и обремененных,избави нас от падений греховных,
от козней лукаваго,от навета злых человек и от всяких бед,
утоли наша скорби и печали,болезни наша уврачуй,даруй нам
прочее время живота нашего в мире и покаянии скончати,
и на страшнем суде Сына Твоего явися нам милосердая
заступница,да вси поем и величаем Тя со всеми благоугодившими
Богу,всегда,ныне и присно и во веки веков.Аминь.

Днесь боговместимый храм Богородица,
в храм Господень приводится,и Захария Сию приемлет;
днесь Святая Святых радуются,и лик ангельский
таинственно торжествует. С нимиже и мы
празднующе днесь,с Гавриилом возопиим:
радуйся,Благодатная,Господь с Тобою,имеяй велию милость.

Отверзу уста моя,и наполнятся духа,
и слово отрыгну Царице Матери,и явлюся
светло торжествуя,и воспою радуяся Тоя вхождение.

Твоя песнословцы,Богородице,живый и независтный источниче,
лик себе совокупльшия духовно утверди,в честнем
вхождении Твоем венцев славы сподоби.

Неизследный Божий совет,еже от Девы воплощения,
Тебе Вышняго,пророк Аввакум усмотряя,зовяще:
слава силе Твоей,Господи.

Ужасошася всяческая в честнем вхождении Твоем.
Ты бо,Неискусобрачная Дево,внутрь вошла еси в храм Божий,
якоже чистейший храм,всем воспевающим Тя мир подавающая.

Божественное сие и всечестное совершающе празднество,
богомудрии,Богоматере,приидите руками восплещим,
от Нея рождшагося Бога славим.

Слава Отцу и Сыну и Святому Духу,
и ныне и присно,и во веки веков,аминь.

Пречистый храм Спасов,многоценный чертог и Дева,
священное сокровище славы Божия,днесь вводится
в дом Господень,благодать совводящи,яже в Дусе
Божественном,Юже воспевают ангели Божии:
Сия есть селение небесное.

Не послужиша твари богомудрии паче Создавшаго,
но огненное прещение мужески поправше,радовахуся поюще:
препетый отцев Господь и Бог благословен еси.

Слыши,Отроковице Дево Чистая,да речет убо Гавриил
совет Вышняго древний истинный: буди к приятию
готова Божию,Тобою бо Невместимый с человеки поживе.
Тем и радуяся вопию: благословите вся дела Господня Господа.

Ангели вхождение Пречистыя зряще удивишася:
како Дева вниде во Святая Святых.

Ангели и человецы,Девы вхождение почтим:
яко со славою вниде во Святая Святых.

Величай,душе моя,приведенную во храм Господень,
боголепно бо вниде во Святая Святых,
и благословенную руками иереевыми.

Ангели,взыграйте со святыми,девы,сликовствуйте:
Богоотроковица бо вниде во Святая Святых.

Величай,душе моя,честнейшую и славнейшую
горних воинств Деву Пречистую Богородицу.

Величай,душе моя,Триипостаснаго
и Нераздельнаго Божества Державу.

Слава Отцу и Сыну и Святому Духу,
и ныне и присно,и во веки веков,аминь.

Яко одушевленному Божию Кивоту,да никакоже коснется
рука скверных. Устне же верных Богородице немолчно
глас ангела воспевающе с радостию да вопиют:
истинно вышши всех еси,Дево Чистая.

Свещеносицы девы Приснодеву светло провождающе,
пророчествуют истинно духом будущее: храм бо Божий
Богородица сущи,в храм со славою девственною,
младенствующи,вводится.

Обещания святаго,и плод благославный,Богородица
воистинну явися миру,яко всех превышшая,
яже благочестно приводима в храм Божий,
молитву рождших исполняет,соблюдаема
Божественным Духом.

Слава Отцу и Сыну и Святому Духу,
и ныне и присно,и во веки веков,аминь.

Днесь в храм приводится Всенепорочная Дева,
во обителище Всецаря Бога,и всея жизни нашея Питателя:
днесь Чистейшая Святыня,яко трилетствующая юница,
во Святая Святых вводится. Той возопиим яко ангел:
радуйся,едина в женах Благословенная.

Господи,благослови.
Благослови,Пречистая.
Благословите все светлые небесные силы.
Во имя Отца и Сына и Святого Духа.Аминь

Величаем вас,Архангели и Ангели и вся воинства,
Херувими и Серафими,славящия Господа.

Ангели Твои,Христе,престолу величества во страсе предстояще,
и Твоим светолитием присно осияваеми,в вышних песнопевцы Твои
и совета Твоего служителие,от Тебе низпосылаеми,
дают просвещение душам нашим.

Небесных чинов яко предначальника,и сущих на земли человеков
крепкаго тя предстателя,хранителя же и избавителя
воспеваем верно,Михаиле Архистратиже,молящеся
всякия тлетворныя болезни нас избавити.

Слава Отцу и Сыну и Святому Духу:

Идеже осеняет благодать твоя,Архангеле,
оттуду диаволя прогонится сила: не терпит бо
света твоего видети спадый Денница. Тем молим тя,
огненосныя его стрелы,яже на ны движимыя,угаси
ходатайством твоим,избавляя нас от соблазнов его,
достохвальный Михаиле Архистратиже.

И ныне и присно,и во веки веков,аминь:

Блажим Тя,Богородице Дево,и славим Тя вернии по долгу,
град непоколебимый,стену необоримую,твердую Предстательницу,
и прибежище душ наших.

Во имя Отца и Сына и Святого Духа.Аминь

По улицам Slona водили:

Помяну имя Твое во всяком роде и роде
- /Восхвалят имя Твоё во всех родах/.

Притецем,людие,к тихому сему и доброму пристанищу,
скорой Помощнице,готовому и теплому спасению,покрову Девы.
Ускорим на молитву,и потщимся на покаяние:
источает бо нам неоскудныя милости Пречистая Богородица,
предваряет на помощь,и избавляет от великих бед и зол,
благонравныя и богобоящияся рабы Своя.

Прославим,вернии,обрадованную Богородицу,
паче же во устех наших имамы всегда святое и благословенное
имя Ея,непрестанно прибегающе к пречистей Ея и цельбоносней
иконе: тою бо обретаем яже на земли вся благая и полезная,
и сущих на воздусе от демонов запинаний избавляемся,
яко Мати рождшая всех Творца,спасает от бед души наша.

Да рыдает вечно сонм злочестивых,не исповедающих Тя
в рождестве чистую Богородительницу,и не покланяющихся
пречистей Твоей иконе; вернии же людие радующеся
исповедаем Тя истинную Деву Богородицу,яко воистинну
родила еси плотию Христа Бога нашего.

Тление Адамово попрала еси,и от греха весь мир
очистила еси,жизнь безконечную даровала еси,
райский вход верным отверзла еси
Божественным Твоим рождеством.
Егоже моли,спастися нам поющим верно Твое таинство.

Величаем Тя,Пресвятая Дево,и чтим образ Твой святый,
от негоже истекает благодатная помощь всем,
с верою притекающим к нему.

Слава Отцу и Сыну и Святому Духу,
и ныне и присно,и во веки веков.Аминь

Святителие всечестнии,преблаженнии отцы,и чудотворцы,
угодницы Христовы,российстии первопрестольницы,
Петре и Алексие,Ионо,Филиппе и Ермогене:
иже пророческим житием просиявше,
апостольских сподобистеся даров,Спасу служаще
со ангелы непрестанно,молите избавитися нам
от всякаго прегрешения,и душам нашим
подати мир и велию милость.

Во святителех благочестно пожисте,и люди к богоразумию
настависте,и добре Богу угодисте; сего ради от Него
нетлением и чудесы прославистеся,яко ученицы Божия благодати.

Величаем вас,Святителие велицыи Петре,Алексие,Ионо,
Филиппе и Ермогене,и чтим святую память вашу:
вы бо молите за нас Христа Бога нашего.

Дева днесь предстоит в Церкви,и с лики святых
невидимо за ны молится Богу: ангели со архиереи
покланяются,апостоли же со пророки ликовствуют:
нас ради молит Богородица Превечнаго Бога.