Воистину достойно воспевать Тебя,Богородицу,
Присноблаженную и Пренепорочную
и Матерь Бога нашего!
Честнейшую Херувим и Славнейшую
без сравнения Серафим,без истления
Бога Слова родшую,сущую Богродицу,
Тебя величаем!

Слава Отцу и Сыну и Святому Духу,
и ныне и присно,и во веки веков.Аминь.

Предтечево славное усекновение,смотрение бысть
некое Божественное: да и сущим во аде
Спасово проповесть пришествие.
Да рыдает убо Иродия,беззаконное убийство
испросивши: не закон бо Божий,ни живый век возлюби,
но притворный,привременный.

О преславнаго чудесе! Священную главу,и ангелом говейную,
нечистая блудница ношаше отроковица,обличившую
деяние беззаконно,прелюбодейце матери принесе.
О неизреченнаго Твоего терпения Человеколюбче!
Имже,Христе,спаси души наша,яко един благоутробен.

О Иродова окаменения! Обесчестивый Бога
законными преступлениями,клятвы соблюдением
лестне лицемерствует,и к прелюбодеянию убийство прилагает,
сетовати творяйся. О неизглаголаннаго Твоего милосердия,
Владыко! Имже,Христе,спаси души наша,яко един благоутробен.

Слава Отцу и Сыну и Святому Духу,
и ныне и присно,и во веки веков,аминь:

Паки Иродия бесится,паки смущается.
О плясания льстивна,и пира с лестию!
Креститель усекашеся,и Ирод смущашеся.
Молитвами,Господи,Твоего Предтечи,
мир подаждь душам нашим.

И ныне и присно,и во веки веков,аминь:

Богородице,Ты еси лоза истинная,возрастившая нам
плод живота,Тебе молимся,молися Владычице
со святыми апостолы помиловати души наша.

Возвеселится праведник о Господе,и уповает на Него.

В память вечную будет праведник,
от слуха зла не убоится.

В молитвах неусыпающую Богородицу,и в предстательствах
непреложное упование,гроб и умервщление не удержаста:
якоже бо Живота Матерь,к животу престави,
во утробу Вселивыйся приснодевственную.

Безстудней ярости же и огню божественное желание
сопротивляяся,огнь убо орошаше,ярости же смеяшеся,
богодохновенною словесною преподобных тривещанною
цевницею,противовещая мусикийским органом
посреде пламене: препрославленный отцев
и наш Боже,благословен еси.

Не послужиша твари богомудрии паче Создавшаго,
но огненное прещение мужески поправше,радовахуся
поюще: препетый отцев Господь и Бог благословен еси.

Пламень орошающ преподобныя,злочестивыя же попаляющ,
ангел Божий всемощный,показа отроком,живоначальный же
источник содела Богородицу,тлю смерти,и живот точащу поющим:
Содетеля Единаго поим избавленнии,и превозносим во вся веки.

Отроки благочестивыя в пещи Рождество Богородичо спасло есть.
Тогда убо образуемое,ныне же действуемое,вселенную всю
воздвизает пети Тебе: Господа пойте,дела,
и превозносите Его во вся веки.

Ангели успение Пречистыя видевше удивишася,
како Дева восходит от земли на небо.

Величай,душе моя,от земли на небо
честное преставление Божия Матере.

Побеждаются естества уставы в Тебе,Дево Чистая:
девствует бо рождество,и живот предобручает смерть:
по рождестве Дева,и по смерти жива,спасаеши
присно,Богородице,наследие Твое.

Всяк земнородный да взыграется Духом просвещаемь,
да торжествует же безплотных умов естество,
почитающее священное преставление Богоматере,
и да вопиет: радуйся,Всеблаженная Богородице,
Чистая Приснодево.

В славном успении Твоем небеса радуются,
и ангельская возрадовашася воинства:
вся же земля веселится,песнь Тебе исходную
провозглашающи,Матери всеми Владычествующаго,
неискусобрачная Пресвятая Дево,яже род человеческий
избавльшая прародительнаго осуждения.

От конец стекошася апостолов лучшии,
богоначальным мановением погребсти Тя:
и от земли вземлему Тя к высоте зряще,
глас Гавриилов радостию вопияху Тебе:
радуйся,носило Божества всего.
Радуйся,Едина,земная с вышними
рождеством Твоим совокупльшая.

Слава Отцу и Сыну и Святому Духу,
и ныне и присно,и во веки веков,аминь.

На безсмертное Твое успение,Богородице Мати живота,
облацы апостолы по воздуху восхищаху и по миру разсеянныя
во едином лице предсташа пресвятому Твоему телу,
еже и погребше честно,глас Тебе Гавриилов поюще,
вопияху: радуйся,Благодатная Дево,Мати Безневестная,
Господь с Тобою. С нимиже,яко Сына Твоего и Бога нашего,
моли спастися душам нашим.

Величит душа Моя Господа,и возрадовася
дух Мой о Бозе Спасе Моем.

Чашу спасения прииму,и имя Господне призову.

Божества Твоего,Спасе,малу зарю обнажив,
совозшедшим с Тобою на гору,премирныя Твоея славы
сотворил еси рачители. Темже ужасно зовяху: добро есть
нам зде быти. С нимиже и мы Тебе преображшагося
Спаса Христа поем во веки.

Лицы израильтестии,невлажными стопами понт Чермный
и влажную глубину прогнавше,всадники тристаты
враги видяще в ней погружены,с веселием пояху:
поим Богу нашему,яко прославися.

Лук сильных изнеможе,и немощствующии препоясашася силою:
сего ради утвердися в Господе сердце мое.

Услышах славное смотрение Твое,Христе Боже,
яко родился еси от Девы,да от лести избавиши
зовущия: слава силе Твоей,Господи.

От света пресекий первородный свет,
яко во свете дела поют Тя,Христе,Содетеля:
во свете Твоем пути наша направи.

Внегда скорбети ми,возопих ко Господу,
и услыша мя Бог спасения моего.

На горе преобразился еси,и якоже вмещаху ученицы Твои,
славу Твою,Христе Боже,видеша: да егда Тя узрят распинаема,
страдание убо уразумеют вольное,мирови же проповедят:
яко Ты еси воистинну Отчее сияние.

Авраамстии иногда в Вавилоне отроцы пещный пламень попраша,
песньми взывающе: отец наших Боже,благословен еси.

В Вавилоне отроцы божественною распаляеми ревностию,
мучителя и пламене прещение мужески попраше,
и посреде огня ввержени,орошаеми пояху:
благословите вся дела Господня Господа.

Величай,душе моя,на Фаворе преобразившагося Господа.

Рождество Твое нетленно явися: Бог из боку Твоею пройде,
яко плотоносец явися на земли,и с человеки поживе;
Тя,Богородице,тем вси величаем.

Прежде честнаго Креста Твоего и страдания,
поим ихже проразсудил еси,от священных ученик,
на Фаворскую,Владыко,возшел еси гору,показати восхотев сим
славу Твою,иже и видевше Тя преобразившася,и паче солнца
просиявша,ницы падше,силе Твоей удивишася,взывающе:
Ты безлетен свет еси,Христе,и сияние Отчее,
аще и волею плоть явился еси,неизменне.

Иже прежде век сый Бог Слово,Иже светом яко ризою одеваяйся,
преобразующийся пред ученики Твоими,паче солнца,Слове,
просиял еси; Моисей же и Илия Тебе предсташа,мертвым и живым
Тя Господа поведающе,и Твое славяще неизреченное смотрение
и милость и многое милосердие,имже спасл еси мир,
грехом погибающий.

Слава Отцу и Сыну и Святому Духу,
и ныне и присно,и во веки веков,аминь.

Поят Христос Петра,Иакова и Иоанна,на гору высоку едины
и преобразися пред ними; и просветися лице Его яко солнце,
ризы же Его быша белы яко свет; и явишася Моисей и Илия
с Ним глаголюще,и облак светел осени их. И се глас из облака
глаголющ: Сей есть Сын Мой возлюбленный,о немже благоволих,
Того послушайте.

Воскликните Господеви вся земля,
пойте же имени Его,дадите славу хвале Его.

Молитвами Богородицы,Спасе,спаси нас.

Глас грома Твоего в колеси,осветивши молния Твоя
вселенную,подвижеся и трепетна есть земля.

Молитва Богородицы,Спасе,спаси нас.

Во исповедание и в велелепоту облеклся еси,
одеяйся светом яко ризою.

Молитвами Богородицы,Спасе,спаси нас.

Слава Отцу и Сыну и Святому Духу,
и ныне и присно,и во веки веков,аминь.

Молитва Богородицы,Спасе,спаси нас.

Горы Сионския,ребра северова,град Царя Великаго.
Спаси ны,Сыне Божий,преобразивыйся на горе,
поющия Ти: Слава Тебе,Боже наш.

И введе я в гору святыни Своея,гору сию,
юже стяжа десница Его.

Спаси ны,Сыне Божий,преобразивыйся на горе,
поющия Ти: Слава Тебе,Боже наш.

Гору Сионю,юже возлюби,и созда
яко единорога святилище Свое.

Спаси ны,Сыне Божий,преобразивыйся на горе,
поющия Ти: Слава Тебе,Боже наш.

Слава Отцу и Сыну и Святому Духу,
и ныне и присно,и во веки веков,аминь.

Единородный Сыне и Слове Божий,безсмертен сый,
и изволивый спасения нашего ради воплотитися
от Святыя Богородицы и Приснодевы Марии,
непреложно вочеловечивыйся,распныйся же,Христе Боже,
смертию смерть поправый,Един сый Святыя Троицы,
спрославляемый Отцу и Святому Духу,спаси нас.

Надеющиися на Господа,яко гора Сион,
не подвижатся во век.

Преобразился еси на горе,Христе Боже,
показавый учеником Твоим славу Твою,якоже можаху:
да возсияет и нам грешным свет Твой присносущный,
молитвами Богородицы,Светодавче,слава Тебе.

Горы окрест Его,и Господь окрест людей Своих,
от ныне и до века.

Господи,кто обитает в жилищи Твоем,
или кто вселится во святую гору Твою?

Кто взыдет на гору Господню,
или кто станет на месте святем Его?

Преобразился еси на горе,Христе Боже,
показавый учеником Твоим славу Твою,якоже можаху:
да возсияет и нам грешным свет Твой присносущный,
молитвами Богородицы,Светодавче,слава Тебе.

Яко возвеличишася дела Твоя,Господи,
вся премудростию сотворил еси.

Господи,во свете лица Твоего пойдем,
и о имени Твоем возрадуемся во веки.

Бог наш на небеси и на земли,вся,елика восхоте,сотвори.

Благословен Бог

На огненной колеснице на облак взялся еси,
и во страну световидну преложился еси,
о Фесвитянине Илие,студныя пророки посрамив:
иже небо словом связавый,тако разреши и наша согрешения,
ко Господу молитвами твоими,и спаси души наша.

Пророче и провидче великих дел Бога нашего,
Илие великоимените,вещанием твоим уставивый
водоточныя облаки,моли о нас Единаго Человеколюбца.

Егда ты,пророче чудный,Богу добродетелию и житием чистым,
срастворився с Ним,область прием,тварь по разуму измерил еси,
и двери дождевныя волею затворил еси,и свыше огнь низвел еси,
и враги погубил еси,моли спастися душам нашим.

Ревностию Господнею распаляемь,беззаконныя цари
ты изобличил еси яве: студныя священники ты уморил еси тепле,
вжег огнь в воде,блаженне; пищу же неделанную источил еси,
и воды Иорданския милотию твоею пресекл еси.
Моли спастися душам нашим.

Слава Отцу и Сыну и Святому Духу,
и ныне и присно,и во веки веков,аминь.

Пророков верховники и всесветлыя светильники вселенныя,
в песнех почтим,вернии,Илию и Елиссея,и Христу возопием
радостно: благоутробне Господи,подаждь людем Твоим,
мольбами пророк Твоих,оставление грехов и велию милость.

В память вечную будет праведник,от слуха зла не убоится.

Речь здесь,разумеется,идёт об апостоле Павле,к которому
в конце стиха обращаемся:

Егоже/Христа Бога/моли,спасти и просветити души наша.

Во всю землю изыде вещание их,и в концы вселенныя глаголы их.

Благочестия истинныя проповедники,и Церкве
пресветлыя звезды,песньми похвальными почтим
Петра каменя веры,и Павла истиннаго учителя,
и таинника Христова,сии бо истинное слово всеявше
в сердца верных,всем плодоносия дарующа,и молят
Христа Бога,спастися душам нашим.

Твердыя и боговещанныя проповедатели,верх апостолов
Твоих,Господи,приял в наслаждение благих Твоих и покой:
болезни бо онех и смерть приял еси,паче всякаго всеплодия,
Едине сведый сердечная.

С небесе благодать прием,егда вопрошение учеником
Спас дванадесяточисленным рече апостолом:
Кого Мя глаголют человецы быцы?
Тогда убо лучший апостолов Петр,богословствуя
отвеща,Ты еси Христос живаго Бога Сын.
Темже достойно ублажается,яко свыше прием откровение,
вязати же и решати праведно прием.

Свыше зван быв,а не человек,егда земная тьма
помрачи очи телесныя,нечестия отличая сетование,
тогда небесный свет облиста мысленнии очи,
благочестия открывая красоту. Темже познал еси
Изводящаго свет из тьмы,Христа Бога нашего:
Егоже моли,спасти и просвети души наша.

Слава Отцу и Сыну и Святому Духу:

Всечестный апостолов приспе праздник Церкви Христове,
ходатайствующий спасение всем нам. Тайно убо восплескавше,
к сим рцем: радуйтеся,светильницы,сущия во тьме
мысленнаго солнца зари облистающии.
Радуйтеся,Петре и Павле,учений божественных
основания незыблема,друзи Христовы,сосуди честнии:
приидите посреди нас невидимо,сподобляюще даров невещественных,
ваш праздник восхваляющих песньми.

Во всю землю изыде вещание их,
и в концы вселенныя глаголы их.

Cвященницы Твои облекутся в правду,и преподобнии Твои возрадуются.

Священную двоицу просветителей наших почтим,
божественных писаний преложением источник богопознания
нам источивших,из негоже даже до днесь неоскудно почерпающе,
ублажаем вас,Кирилле и Мефодие,престолу Вышняго предстоящих
и тепле молящихся о душах наших.

Кирилле и Мефодие богомудрии,апостольским стопам последующе,
ко взысканию людей заблуждших единомудренно подвигшеся,
яко орли скоропарящия,страны словенския облетели есте,
яже светом богопознания озаривше,приведосте
ко Иисусу Человеколюбцу и Спасу душ наших.

Слава Отцу и Сыну и Святому Духу:

Просветителей наших благочестно память совершающе,людие,
благодарственно возопиим: радуйтеся,светильницы пресветлии,
светом богопознания страны словенския озарившия,
радуйтеся,пастырие добрии,словесныя овцы,в дебрях
неверия разсеянныя,во едино собравшия,и к Пастыреначальнику
Христу приведшия,Егоже величающе,вас ублажаем.

Честна пред Господем смерть преподобных Его.

В память вечную будет праведник,от слуха зла не убоится.

Приспе день светлаго торжества,град Барский радуется,
и с ним вселенная вся ликовствует песньми и пеньми духовными:
днесь бо священное торжество,в пренесение честных
и многоцелебных мощей Святителя и Чудотворца Николая,
якоже солнце незаходимое возсия,светозарными лучами,
разгоняя тьму искушений же и бед от вопиющих верно:
спасай нас яко предстатель наш,великий Николае.

Величаем тя,Святителю отче Николае,и чтим святую
память твою,ты бо молиши за нас Христа Бога нашего.

Слава Отцу и Сыну и Святому Духу,
и ныне и присно,и во веки веков,аминь.

Взыде яко звезда от востока до запада,твоя мощи,
Святителю Николае,море же освятися шествием твоим,
и град Барский приемля тобою благодать: нас бо деля
явился еси,чудотворец изящный,предивный и милостивый.

Воззрев неуклонно на высоту разума,и узрев неявленно
премудрости глубину,твоими ученьми мир обогатил еси,отче.
О нас присно молися Христу,Святителю Николае.

Человече Божий,и верный угодниче,и строителю Того таин,
и мужу желаний духовных,столпе одушевленный,и вдохновенный
образ: яко Божественное бо сокровище тя Мирская церковь
чудящися прияла есть,и молитвенника о душах наших.

Слава Отцу и Сыну и Святому Духу:

Вострубим трубою песней,взыграем празднственная,
и ликовствуем радующеся,в молебное торжество
богоноснаго отца. Вернии люди да стекутся,
и иже сонным страшным явлением царя препирающа,
неповинна держимыя три отпусти воеводы,да воспоют.
Пастырие и учителие,Добраго Пастыря подобноревнительна
пастыря сошедшеся восхвалим. Иже в недузех врача и иже
в бедах избавителя,грешнии заступника,нищии сокровище,
и иже в скорбех утешителя,спутника путешествующии,
на мори сущии правителя,и вси везде тепле предваряюща,
великаго Святителя восхваляюще,сице рцем: пресвятый Николае,
предвари и избави ны от настоящия беды,и спаси стадо твое
молитвами твоими.

В память вечную будет праведник,от слуха зла не убоится.

Отверзу уста моя,и наполнятся духа,
и слово отрыгну Царице Матери,
и явлюся светло торжествуя,
и воспою радуяся тоя чудеса.

Твоя песнословцы,Богородице,живый и независтный источниче,
лик себе совокупльшия духовно утверди в Божественней
Твоей славе,венцев славы сподоби.

Седяй в славе на престоле Божества,
во облаце легце прииде Иисус Пребожественный,
нетленною дланию,и спасе зовущия: слава,Христе,силе Твоей.

Ужасошася всяческая о Божественней славе Твоей:
Ты бо,неискусобрачная Дево,имела еси во утробе
над всеми Бога,и родила еси безлетнаго Сына,
всем воспевающим Тя мир подавающая.

Возопи прообразуя погребение тридневное пророк Иона,
в ките моляся; от тли избави мя,Иисусе Царю сил.

Возбранной Воеводе победительная,яко избавльшеся от злых,
благодарственная восписуем Ти раби Твои,Богородице;
но яко имущая державу непобедимую,от всяких нас бед свободи,
да зовем Ти: радуйся,Невесто Неневестная.

Не послужиша богомудрии твари паче Создавшаго,
но огненное прещение мужески поправше,радовахуся поюще:
препетый отцев Господь и Бог благословен еси.

Слыши,отроковице Дево чистая,да речет убо Гавриил
совет Вышняго древний истинный: буди к приятию готова Божию,
Тобою бо Невместимый с человеки поживе. Тем и радуяся вопию:
благословите вся дела Господня Господа.

Благовествуй,земле,радость велию,хвалите небеса Божию славу.

Яко одушевленному Божию кивоту,да никакоже коснется
рука скверных. Устне же верных Богородице немолчно
глас Ангела воспевающе,с радостию да вопиют:
радуйся,Благодатная,Господь с Тобою.

С небесных кругов слетев Гавриил в Назарет,
прииде к Деве Марии,вопия Ей: радуйся,зачнеши Сына,
Адама древнейшаго,Творца веков и Избавителя
вопиющих Тебе: радуйся,Чистая.

Соприсносущное Слово Пребезначальнаго Отца,
не разлучився горних,ныне предста дольним,
ради крайняго благоутробия: милость прием,
еже на ны поползновения и Адамову нищету
восприем,вообразися в чуждее.

Слава Отцу и Сыну и Святому Духу,
и ныне и присно,и во веки веков,аминь.

Еже от века таинство открывается днесь,
и Сын Божий,сын человечь бывает,да хуждшее восприем,
подаст ми лучшее. Солгася древле Адам,и Бог возжелев быти
не бысть: человек бывает Бог,да Бога Адама соделает.
Да веселится тварь,да ликовствует естество,яко Архангел Деве,
со страхом предстоит,и еже радуйся приносит,печали сопротивное:
за милосердие милости вочеловечивыйся Боже наш,слава Тебе.

Се воззвание ныне явися нам,паче слова Бог человеком
соединяется,Дева бо приемлет радость: земная быша небо,
мир разрешися первыя клятвы. Да радуется тварь,и гласы
да воспоет: Творче и Избавителю наш,Господи,слава Тебе.

Гавриил великий,ум благовиднейший,светозарный и спасительный,
Свет Трисолнечный зрит,и поет с вышними чини божественное
и страшное пение: молит даровати душам нашим
мир и велию милость.

Великое таинство,первее ангелом неведомое,
и прежде век соблюдаемое,единому уверися тебе Гаврииле:
и сие единей поведал еси Чистей,в Назарет пришед.
С Нейже моли даровати душам нашим мир и велию милость.

Слава Отцу и Сыну и Святому Духу,
и ныне и присно,и во веки веков,аминь.

Благословите день от дне спасение Бога нашего.

Избра Господь Сиона,и изволи его в жилище Себе.

Во имя Отца и Сына и Святого Духа.Аминь

Утробу Девичу освятивый рождеством Твоим,
и руце Симеоне благословивый,якоже подобаше,предварив,
и ныне спасл еси нас,Христе Боже: но умири во бранех
жительство и укрепи люди,ихже возлюбил еси,
Едине Человеколюбче.

Тебе во огни оросившаго отроки богословившия,
и в Деву нетленну всельшагося,Бога Слова поим,
благочестно поюще: благословен Бог отец наших.

Нестерпимому огню соединившеся,богочестия предстояще юноши,
пламенем же невреждени,Божественную песнь пояху::
благословите вся дела Господня Господа,
и превозносите во вся веки.

Богородице Дево,упование христианом,
покрый,соблюди и спаси на Тя уповающих.

Богородице Дево,миру благая Помощнице.
покрый и соблюди от всякия нужды и печали.

Богоносе Симеоне,прииди подыми Христа,
Егоже роди Дева Чистая Мария.

Объемлет руками старец Симеон Содетеля закона,
и Владыку всяческих.

Не старец Мене держит,но Аз держу его:
той бо от Мене отпущения просит.

Клеще таинственная,како угль носиши,
како питаеши Питающаго вся?

О,дщи Фануилева! Прииди,стани с нами,
и благодари Христа Спаса Сына Божия.

Анна целомудренная провещает страшная,
исповедающи Христа,Творца небу и земли.

Непостижимо есть содеянное о Тебе
ангелом и человеком,Мати Дево Чистая.

Чистая голубица,нескверная агница.
Агнца и Пастыря приносит в церковь.

О,Христе всех Царю! Победы на враги
верным Твоим рабом даруй.

О,Христе всех Царю! Подаждь ми слезы теплы,
да плачу мою душу,юже зле погубих.

Трисиятельное и Триипостасное Божество
благочестно да похвалим.

О,Девице Марие! Просвети мою душу,помраченную люте
житейскими сластьми.

В законе сени и писаний образ видим вернии:
всяк мужеский пол,ложесна разверзая,свят Богу.
Тем Перворожденное Слово Отца Безначальна,
Сына Первородящася Материю неискусомужно,величаем.

Закон иже в писании исполняя Человеколюбец,
в церковь ныне приносится,и Сего приемлет старыми руками
Симеон старец,ныне отпущаеши мя,вопия,ко оному блаженству:
видех бо Тя днесь плотию мертвенною обложеннаго,
животом господьствующа и смертию владычествующа.

Свет во откровение языков явился еси,Господи,
на облаце седя легце,Солнце Правды,закона сеновное исполняя,
и начало изъявляя новыя благодати. Тем Тя видев Симеон
взываше: из истления мя разреши,яко видех Тя днесь.

Слава Отцу и Сыну и Святому Духу,
и ныне и присно,и во веки веков,аминь.

На руках старческих во днешний день,
яко на колеснице херувимстей,восклонитися благоизволивый,
Христе Боже,и нас поющих Тя страстей мучительства
призываемый избави,и спаси,яко Человеколюбец.

Величит душа моя Господа,
и возрадовался дух Мой о Бозе Спасе Моем.

Богородице Дево,упование христианом,
покрый,соблюди и спаси на Тя уповающих.

Чашу спасения прииму и имя Господне призову.

Благословен Бог!

Недоумеет всяк язык благохвалити по достоянию,
изумевает же ум и премирный пети Тя,Богородице;

Обаче Благая сущи,веру приими,ибо любовь веси
божественную нашу: Ты бо христиан еси
Предстательница,Тя величаем.

О паче ума рождества Твоего чудес,Невесто Всечистая,
Мати Благословенная. Еюже получивше всесовершенное спасение,
достойно хвалим яко Благодетеля,дар носяще песнь благодарения.

Свет от Света,возсия мирови Христос Спас наш,
явлейся Бог: Сему людие поклонимся.

Како Тя,Христе,раби Владыку достойно почтим,
яко в водах всех нас обновил еси.

Слава Отцу и Сыну и Святому Духу:

Водами Иорданскими одеялся еси,Спасе,
одеяйся светом яко ризою и приклонил еси
главу Предтечи,иже небо измеривый пядию,
да обратиши мир от лести,и спасеши
яко Человеколюбец.

И ныне и присно,и во веки веков,аминь:

Днесь Христос на Иордан прииде креститися:
днесь Иоанн касается верху Владычню. Силы небесныя
ужасошася,преславное видящи таинство: море виде,и побеже;
Иордан видев,возвратися. Мы же просвещшеся вопием:
слава явившемуся Богу,и на земли виденному,
и просветившему мир.

Елицы во Христа крестистеся,во Христа облекостеся.
Аллилуия.

Благословен грядый во имя Господне,
Бог Господь и явися нам.

Величай,душе моя,Честнейшую горних воинств
Деву Пречистую Богородицу.

Недоумеет всяк язык благохвалити по достоянию,
изумевает же ум и премирный пети Тя,Богородице:
обаче,Благая сущи,веру приими,ибо любовь веси
Божественную нашу: Ты бо христиан еси
предстательница,Тя величаем.

Явися благодать Божия спасительная всем человеком.

Бог наш на небеси и на земли,вся елика восхоте,сотвори.