Просветившееся Духом чистое твое сердце
пророчества бысть светлейшаго приятелище:
зриши бо,яко настоящая,далече сущая; сего ради
тя почитаем,пророче блаженне Науме,славне.

Яко апостолов первозванный и верховнаго сущий брат,
Владыце всех,Андрее,молися мир вселенней даровати
и душам нашим велию милость.

Светила богосиянная миру и иноков одушевленныя зари,
Фома чудесы,Акакий же послушанием,возсиясте светло;
сих,яко имущих дерзновение к Богу,молитвами во бранех
пособствовати молим,да просят от Христа Бога даровати
прощение согрешений чтущим их святую память.

Воинство Царя Небеснаго паче земнаго возлюбив,
служитель пламенный Святыя Троицы явился еси.
Наставления Кронштадтскаго пастыря в сердце своем слагая,
данная ти от Бога многообразная дарования к пользе народа
Божия преумножил еси.Учитель благочестия и поборник
единства церковнаго быв,пострадати даже до крове
сподобился еси.Священномучениче Серафиме,моли
Христа Бога спастися душам нашим.

Саровскому чудотворцу тезоименит быв,теплую любовь
к нему имел еси,писаньми своими подвиги и чудеса того
миру возвестив,верныя к его прославлению подвигл еси
и благодарственнаго посещения самаго преподобнаго
сподобился еси.С нимже ныне,священномучениче Серафиме,
в Небесных чертозех водворяяся,моли Христа Бога
серафимския радости нам причастником быти.

Яко звезды всесветлыя,прсвещающия концы,апостолы Христовы,
восхвалим Филимона славнаго и Архиппа священнаго,и Онисима,
и Марка,и Аполлоса,с нимиже и Апфию всемудрую,
вопиюще: молите непрестанно о всех нас.

Ангели,вхождение Пречистыя зряще,удивишася,
како Дева вниде во Святая Святых?
Яко одушевленному Божию Кивоту,
да никакоже коснется рука скверных,
устне же верных Богородице немолчно,
глас Ангела воспевающе,с радостию да вопиют:
истинно вышши всех еси,Дево Чистая.

И придут спасители на гору Сион,
чтобы судить гору Исава,
и будет царство Господа.
________________________ Из Книги пророка Авдия,гл.1,ст.21.

В молитвах бодрствуя,чудес деланьми претерпевая,
тезоимение стяжал еси исправления,но молися Христу Богу,
отче Григорие,просветити души наша,да не когда уснем в смерть

Чудес многих прием действо,знаменьми ужасными
демоны устрашил еси и недуги отгнал еси человеческия,
всемудре Григорие: чудотворец же именуешися,
звание от дел прием.

Мытарства иго отверг,правды игу припряглся еси
и явился еси купец всеизряднейший,богатство принес,
юже с высоты премудрость. Отонудуже проповедал еси
Истины слово и унылых воздвигл еси души,написав час судный.

С высоты,мудрии,благодать приемше,
сущим во искушениих предстоите,всехвальнии.
Темже отроковицу,святии,от смерти горькия избависте:
вы бо воистинну есте Едесу слава и миру радость.

Православию наставниче,святителем украшение,
Богословцем поборниче непобедимый,Григорие чудотворче,
Солуню великая похвало,проповедниче благодати,
моли Христа Бога спастися душам нашим.

Чаще надлежать поминать в молитве имя Божие,чем вдыхать воздух.Повинуясь заповедям святых,нам надлежит не только самим молиться всегда,но и других всех учить тому же,всех вообще: и монахов и мирян,и мудрых и простых,и мужей и жен,и детей - и побуждать их молиться непрестанно... Почему святой апостол Павел,знавший лучше нас великое благо,какое доставит умная молитва(Господи Иисусе Христе,Сыне Божий,помилуй меня грешного),заповедал непрестанно молиться(1Сол.5,17)./Из высказываний свт.Григория Паламы/

Ученик и друг Твой и подражатель страсти Твоея
вселенней Бога Тя проповеда,богоглаголивый Филипп.
Того молитвами от врагов пребеззаконных Церковь Твою
и всяк град Твой Богородицею соблюди,Многомилостиве.

Величаем тя,святителю отче Иоанне,
и чтим святую память твою,
ты бо молиши за нас Христа Бога нашего.

Особенно то показало чистоту блаженного Иова и прославило его,что во время испытания болезнью и бедностью он сохранил твердый,непоколебимый дух,что приятнее Богу,чем слова благодарности.Принесем же и мы эту духовную жертву(Из речений святителя Златоуста).

Пророка Твоего Ахии память,Господи,празднующе,
тем Тя молим: спаси души наша.

В терпении твоем стяжал еси мзду твою,отче преподобне,
в молитвах непрестанно терпевый,нищия возлюбивый
и сия удовливый.Но молися Христу Богу,Иоанне милостиве,
блаженне,спастися душам нашим.