Предведый Божие пришествие во плоти
и наитие Духа Святаго и грядущий Суд предсказавый,
пророче Иоиле: спасай молитвами твоими
чтущия тя от всех скорбей.

Истиннаго благочестия проповедника
и таин неизреченных ритора,звезду церковную,
Луку Божественнаго восхвалим: Слово бо его избра,
с Павлом мудрым,языков учителя,Един ведый сердечная.

Правыми стезями последуя заповедем Господа твоего,
пророче Осие,исполнился Духа Святаго и,прием дар
пророчествия,провозгласил еси Израилю Христово,
хотящее в последняя лета быти,пришествие,обличая
заблуждшия люди от пути праваго и наставляя на путь,
ведущий в Вышний Иерусалим,идеже ныне предстоя,
молися непрестанно о всех нас.

Весело возрадовася Церковь
в память днесь приснопамятнаго страдальца Лонгина,
взывающи: Ты моя держава,Христе,и утверждение.

Иже из Отца возсияв Сын неизреченно,
из Жены родися сугуб естеством,Егоже видяще,
не отметаемся зрака изображения,но,сие благочестно
начертающе,почитаем верно: и сего ради истинную веру
Церковь держащи,лобызает икону вочеловечения Христова.

Видящи Святая Дева дивное и новое о Себе
промышление Божие,яко раба Господня,
присно готовая творить волю Его,
возопии: Слава Тебе,Боже наш.

Языков ловец пречудный и учеников Христовых собеседник,
апостол предызбранный Филипп днесь миру исцелений
подает богатство,покрывает от обстояний того хвалящия.
Тем согласно зовем ему:спасай вся молитвами твоими,апостоле.

Поверил Авраам Господу и это вменилось ему в праведность.
И стал отцов всех живущих ныне народов на земле.
Во славу Божию,во имя Отца и Сына и Святого Духа.Аминь

Твердо мудрости догматы в души благочестивых вложившаго
похвалами да ублажим,яко благовещателя вси Иакова:
Престолу бо славы Владычню предстоя,и со всеми Ангелы
радуется,моля непрестанно о всех нас.

Всяких сил ангельских превысшую Деву,
немолчно Тя хвалят наши сердца,Тя истинно
чистейшую светлостей солнечных непрестанно величают.
Ты же ходатаице о нас буди в день страшнаго суда
к Сыну Твоему и Богу,воспомни тогда грешных моления
и сподоби пети Богу: Слава Тебе,Боже наш.

Премудрости благодати исполнен,Христов апостол
и служитель истинный в покаянии вопияше Тебе:
Ты мой еси Бог же и Господь.

Благости научився и трезвяся во всех,благою совестию
священнолепно оболкся,почерпл еси от сосуда избраннаго
неизреченная,и,веру соблюд,равное течение совершил еси,
священномучениче Иерофее; моли Христа Бога
спастися душам нашим.

Якоже столп непоколебимь,Иерофее,прещения врагов
не устрашился еси,но прелести разрушил еси твердыню,
яко камень честен валяяся,отче.Тем Владыка тя
храбрствовавша венчает Живоначальною и Божественною
десницею,Егоже о всех нас умоли.

Во юродство претворився волею,мира сего красоты
отнюд возненавидел еси,плотская мудрования увядил еси
постом и жаждею,и зноем,и студению мраза,от дождя и снега
и от прочия воздушныя тяготы никогдаже уклонився,
очистил еси себе,яко злато в горниле,Андрее блаженне.

В молитвах теплейший заступниче и просящим
скорейший послушателю,приими моление,Анание,наше,
и Христа моли помиловати ны,Единаго во святых Почивающаго.

Ужасошася всяческая о Божественней славе Твоей:
Ты бо,Неискусобрачная Дево,имела еси во утробе
над всеми Бога и родила еси безлетнаго Сына,
всем воспевающим Тя мир подавающая.