Слез твоих теченьми пустыни безплодное возделал еси,
и иже из глубины воздыханьми во сто трудов уплодоносил еси,
и был еси светильник вселенней,сияя чудесы,Феодосие,отче наш.
Моли Христа Бога спастися душам нашим.

Пророка Твоего Самея память,Господи,празднующе,
тем Тя молим: спаси души наша.

Мученик Твой,Господи,Полиевкт,во страдании своем
венец прият нетленный от Тебе Бога нашего,
имеяй бо крепость Твою,мучителей низложи,
сокруши и демонов немощныя дерзости.
Того молитвами спаси души наша.

Спасу преклоншу во Иордане главу,
сокрушишася змиев главы,
Полиевктова же главы отсекшаяся
льстиваго посрами.

Говорил авва Илия: Если вы увидите в ближнем какой-либо
соблазн даже собственными глазами,или услышите о нем,-
не верьте. Храните вашу мысль от дурных мнений о ближнем,
зная,что приносят их демоны,чтобы отвлечь ум от зрения
своих согрешений и от устремления к Богу.

О священная главо,преподобне отче,преблаженне авво Илие,
не забуди убогих твоих до конца,но поминай нас всегда
во святых своих и благоприятных молитвах к Богу:
помяни стадо твое,еже сам упасл еси,и не забуди посещати
чад твоих. Моли за ны,отче святый,за дети твоя духовныя,
яко имеяй дерзновение к Небесному Царю: не премолчи за ны
ко Господу,и не презри нас,верою и любовию чтущих тя:
поминай нас,недостойных,у Престола Вседержителева,
и не престай молитися о нас ко Христу Богу,ибо дана тебе
бысть благодать за ны молитися. Не мним бо тя суща
мертва: аще бо телом и преставился еси от нас,
но и по смерти жив сый пребываеши,не отступай
от нас духом,сохраняя нас от стрел вражиих и всякия
прелести бесовския и козней диавольских,пастырю наш добрый,
аще бо и мощей твоих рака пред очима нашима видима
есть всегда,но святая твоя душа со ангельскими воинствы,
со Безплотными лики,с Небесными Силами у Престола
Вседержителева предстояши,достойно веселится,ведущи убо тя
воистинну и по смерти жива суща,тебе припадаем и тебе
молимся: молися о нас Всесильному Богу,о пользе душ наших,
и испроси нам время на покаяние,да невозбранно прейдем
от земли на небо,от мытарств же горьких,бесов,воздушных князей
и от вечныя муки да избавимся,и Небеснаго Царствия наследницы
да будем со всеми праведными,от века угодившими Господу нашему
Иисусу Христу; Емуже подобает всякая слава,честь
и поклонение,со Безначальным Его Отцем,и с Пресвятым
и Благим и Животворящим Его Духом,ныне и присно,
и во веки веков. Аминь.

Память праведнаго с похвалами,тебе же довлеет
свидетельство Господне,Предтече: показал бо ся еси
воистинну и пророков честнейший,яко и в струях крестити
сподобился еси Проповеданнаго. Темже,за истину пострадав,
радуяся,благовестил еси и сущим во аде Бога
явльшагося плотию,вземлющаго грех мира
и подающаго нам велию милость.

"С чем предстать мне пред Господом,преклониться пред Богом
небесным? Предстать ли пред Ним со всесожжениями,с тельцами
однолетними? Но можно ли угодить Господу тясячами овнов
или неисчетными потоками елея? Разве дам Ему первенца моего
за преступление мое и плод чрева моего - за грех души моей?" (Мих.6,6-7)
О,человек! сказано тебе,что - добро и чего требует от тебя
Господь: действовать справедливо,любить дела милосердия
и смиренномудренно ходить пред Богом твоим(Мих.6,8).

Христовых учеников лик седмьдесят
Божественно,вернии,в песнех восхвалим,
теми бо вси навыкохом Троицу почитати Нераздельную,
и пребывают светильницы Божественныя веры.

Звезды светлыя,яко двунадесятем способницы,
Христос вас яви,премудрии,озаряющия мир
светом проповеди и в веру приведшия
множество безчисленно язык,
апостоли божественнии.
Сего ради днесь восхваляем верою
вашу память,молите спастися душам нашим.

Светлый лик седмидесяти апостол Христовых
согласно в песнех похвалим,оболкшеся бо в крестное всеоружие,идольскую лесть упраздниша и победителие мира явишася.

Постническое житие облобызав и многими труды
от младых ногтей себе обожив,на степень диаконства
произведен быв,всечестне,в коем служил еси
в церкви Божия Матере непорочне,
Ейже молися,во еже спастися душам нашим.

Велие имел еси воистинну воздержание,славне,
и многое показал еси пощение,о Ахило,
зане едва единою в седмицы,и се едину малу
просфору снедаше и бденным стоянием к Нему
выну дручашеся,тем тя,яко постника
и преподобных сообщника чтуще,ублажаем.

Пророчества дарованием богатея,пророче,
Христово предвозвестил еси пришествие яве
и мирови спасение,Егоже сиянием мир просветися.

Тимон священный,пастырь Востряном быв,
прият мучения блаженную кончину,
огнем сожигаемь.

Апостоле святый Тимоне,
моли Милостиваго Бога
да прегрешений оставление
подаст душам нашим.

Избранный хранителю Пресвятыя Девы Марии,
пестуне и кормителю Богочеловека,праведный Иосифе,
прославляя служение твое неизреченней тайне воплощения
Бога Слова,похвальная восписуем ти. Ты же ныне,предстоя
престолу Христа Бога нашего и имея велие дерзновение к Нему,
молися о нас,взывающих ти: Радуйся,праведный Иосифе,
скорый помощниче и молитвенниче о душах наших.

Ангелом непостижимую тайну рождения Бога Слова
от Пренепорочныя Девы соблюдая чисту от клеветы людей
и коварства диавола,тебе,праведный Иосифе,смиреннаго тектона,
избра Бог быти хранителя и свидетеля девства Пресвятыя Марии.
Темже прославляя тя,яко избраннаго таинника Божия,взываем ти:
Радуйся,честная отрасле от корене Иессеова;
Радуйся,внутрь украшенный царским величием.
Радуйся,скудостью в земном духовное стяжавый богатство;
Радуйся,безвестностью славу вечную обретый.
Радуйся,славный паче царей;
Радуйся,праведный Иосифе,скорый помощниче
и молитвенниче о душах наших.

Благовествуй,Иосифе,Давиду чудеса,Богоотцу:
Деву видел еси рождшую,с пастыри славословил еси,
с волхвы поклонился еси,Ангелом весть прием.
Моли Христа Бога спасти души наша.

Веселия днесь Давид исполняется Божественный,
Иосиф же хваление со Иаковом приносит:
венец бо сродством Христовым приемше,радуются,
и неизреченно на земли Рождшагося воспевают,и вопиют:
Щедре,спасай Тебе чтущия.

Пророка Твоего Давида,Господи,память празднующе,
тем Тя молим: спаси души наша.

Просветившееся Духом чистое твое сердце,
пророчества бысть светлейшаго приятелище:
зриши бо яко настоящая далече сущая:
сего ради тя почитаем,пророче блаженне,
Давиде славне.

Помяни,Господи,царя Давида и всю кротость его.

Началопастыря Христа брат был еси и преемник,
и во апостолех знаменит,еже за Того умрети
возлюбил еси,и мучения не устыделся еси,
Иакове славне.

Отчее Единородное Бог Слово,пришедшее к нам в последния дни,
Иакове божественне,перваго тя показа иерусалимлян пастыря
и учителя,и вернаго строителя таинств духовных:
темже тя вси чтим,апостоле.

Величаем тя,апостоле Христов Иакове,
и чтим болезни и труды твоя,имиже
трудился еси во благовестии Христове.

Истлевша преступлением,по Божию образу бывшаго всего
тления суща,лучшия отпадша Божественным жизни,
паки обновляет Мудрый Содетель,яко прославися.

Слава,Господи,святому Рождеству Твоему.

Сообразен бренному умалению растворением Христе быв,
и причастием плоти горшия,подав Божественнаго естества,
землен быв,и пребыв Бог,и возвысивый рог наш,Свят еси Господи.

Слава,Господи,святому Рождеству Твоему.

Се Дева,якоже древле рече,во чреве приемши,
родила есть Бога вочеловечшася,и пребывает Дева.
Еяже ради примирившеся Богу грешнии,
Богородицу сущую воистинну вернии воспоим.

Слава,Господи,святому Рождеству Твоему.

Органы уклониша плачевныя песни,
не пояху бо в земли чуждей отроцы Сионовы:
вавилонскую же разрешает лесть всю и мусикийские составы,
в Вифлееме возсияв Христос. Тем воспевающе воспоим:
да благословит тварь вся Господа,и превозносит во вся веки.

Слава Отцу и Сыну и Святому Духу,
и ныне и присно,и во веки веков,аминь.

Светлых подвиг твоих светоносный день предпроповедует всем
в вертепе Рожденнаго: Сего бо жаждая от любве насладитися,
потщался еси от зверей снеден быти: сего ради
и Богоносец нареклся еси,Игнатие всемудре.

Император Траян вопросил Игнатия:
- А кто такой богоносец?
Игнатий ответил:
- Имеющий Христа на груди.
Траян сказал:
- Стало быть,ты в себе носишь Христа?
Игнатий сказал:
- Да,так как написано:"Вселюсь в них и буду ходить".
Траян тогда провозгласил:
- Мы приказываем вести Игнатия,говорящего,что он носит
в себе распятого,в оковах под стражей в великий Рим
на снедение зверям для зрелища и услаждения народа.

Лествицею добродетелей шествуя,
делатель неленостный вертограда Господня явился еси,
Отче Иоанне,от утра жизни даже до последняго часа
добре потрудился еси. Тако и нас молитвенно
укрепи Господеви работати.

Ревностно о славе Божией распаляемь,
поучал еси паству твою всячески хранити сердце свое
от страстей,душу растлевающих и от Бога разлучающих.
Моли и нас,отче святый Иоанне,да управим житие наше
к славе имене Божия и спасению.

Иоанну Крестителю подражая,покаяния проповедниче,
отче Иоанне праведне,образ воздержания,целомудрия
и девственника чистоту явил еси.

Облагодати нас,Мати Божия,еже к богоугождению
житие наше управити,да Твоею помощию и молитвами
праведнаго Иоанна живот вечный наследуем.

Небеснаго Царствия взыскуя,усердный делатель благих
на земли явился еси,молитвою веры недуги исцеляя
и заблуждшия к покаянию призывая,святе.

Ложная мудрования сынов века сего,возстающих
противу истины святыя Церкви Христовы,отвергл еси,
святе Иоанне,словом и житием Православие утверждал еси,поя:
слава силе Твоей,Господи.

Разум богопросвещенный стяжал еси,Иоанне премудре,
о Святей Троице богословствуя,рекл еси: высота истины сея
животворна душе,в простоте сердца верующей.

Имя Христово присно в сердце нося,
святому Богоносцу Игнатию подражая,
в себе самом всякое приражение греха
истребил еси,поя: слава силе Твоей,Господи.

Очищение наше и избавление есть Христос Спаситель,
Емуже ты,пастырю пречудный,о нашем духовном возрождении,
чрез покаяние и исправление,помолися.

Предвидя,яко многия беды и соблазны грядут на Церковь Русскую,
и чада Божия в смятении будут,яко пастырь добрый
душу свою за паству готовый положити,глаголал еси людем:
убойтеся соблазнов,стойте в вере православной,мужайтеся
и славите Господа,взывающе Ему: Слава Тебе,Боже наш.

Стена твердая бысть любовь твоя ко Господу,
в нейже утвердися сердце твое,богоносне отче Иоанне.
Сего ради всем притекающим к тебе с верою
прибежище и утверждение явился еси,
да всяческая Христу приобрящеши.
Темже и нас,к тебе припадающим,буди стена крепка
и ограждение непреодолимое,да не посмеются хотящии нам злая,
во еже в мире и любве Христове пребывати
и приносити сия похвалы:
Радуйся,светильниче неугасимый,огнем Духа Святаго возжженный;
радуйся,крине,присно благоухаяй,росою благодати Божия напоенный.
Радуйся,росо сладкоплодная,благодатными дары верных
оживотворяющая; радуйся,соле земли,от греховнаго
тления нас сохраняющая.
Радуйся,в мори житейстем обуреваемым тихое пристанище;
радуйся,яко душевне и телесне изнемогающим о помощи
Божией умоляеши.
Радуйся,сердцеведче предивне,верныя от лжемудрствования
ограждаяй; радуйся,силою молитвы чистыя союз супружеския
верности укрепляяй.
Радуйся,Иоанне,земли Российския молитвенниче предивный.

И было слово Господне к Аггею вторично
в двадцать четвертый день месяца,и сказано:
скажи Зоровавелю,правителю Иудеи: потрясу Я небо
и землю; и ниспровергну престолы царств,и истреблю силу
царств языческих,опрокину колесницы и сидящих на них,
и низвергнуты будут кони и всадники их,один мечом другого.
В тот день,говорит Господь Саваоф,Я возьму тебя,Зоровавель,
сын Салафиилев,раб Мой,говорит Господь,и буду держать тебя
как печать,ибо Я избрал тебя,говорит Господь Саваоф(Агг.2,20-23).